திருநங்கை

கடமையில் தவறு
கடவுளும் புரிவான்
- திருநங்கை 

மழை

மாலை வேளையில்
மண்வாசனை வீச
கண்ணிமைக்கும் நேரத்தில்
கருமேகங்கள் சூழ
வேகமாய் நானும்
வீதியில் இறங்கினேன்
மழையில்  என்னை
மறந்து நனைய !!!!!

இறக்கையில்லா தேவதை

முதன்முதலாய் பார்த்த போதே
மெய்மறந்து போனேன்
உன் பார்வை பட்டவுடன்
உயிர்த்தெழுந்து வந்தேன்
உன் நிழலைத் தீண்டையிலே
உடல் சிலிர்த்து நின்றேன்
இறக்கையில்லா தேவதையை
இன்று நானும் கண்டேன் ......

நிலவின் மேல் காதல்

மேகத்தினுள் மறையும்
முழு நிலவே
ஆண்மகன் கண்பட
அரும்பியது நாணமோ
காக்கும் மேகங்களிடம்
காதலன் நானென்று
சொல்வாயோ வெண்மதியே !!!

அதரத்தின் தடம்

கரைதனை முத்தமிடும்
கடல் அலையே
நுரைதனை நிலத்தில்
நீக்கிச் சென்றாயே
அதரத்தின் தடமென்று
அனைவரும் அறியவோ !!!!!

குரு தட்சணை

வியாபாரமாய் மாறிய
வழிகாட்டும் அறப்பணியில்
தன்னலம் பாராது
பிறர்நலம் பேண
எளியோர்களின் வாழ்வில்
ஏணிப்படிகளாய் விளங்கும்
ஆசிரியர்தம் பொற்பாதங்களை
அடிபணிவோம் நாமே !!!

இலவசம்

உருவானது உதவிக்கரமாய்
உருமாறியது அரசியலாய்
- இலவசம் 

தோழியும் அன்னையே...!!!

தனிமையில் நாமும் தனியாய் தவிக்க 

இனிமையை வந்து இதமாய் பேசி 

தூரத்தில் இருந்தாலும் தோள் கொடுத்து 

பாரத்தை இறக்க பாசம் காட்டும் 

தோழியும் இன்னோர் அன்னையே...!!!

தந்தையாய் பிறந்தேன்

ஈருயிர் கலந்து ஓருயிர் மலர
பத்துத் திங்கள் யுகமென கழிய
பூக்களின் வண்ணம் கொண்டு
வந்தாயே எங்களிடம் வரமாய்
பூவுலகிலே கால்பதித்த உன்னுடன்
நானும் பிறந்தேனே தந்தையாய்....!!!!